09.04.08
كالطيور المهاجِرة كنت سـ ألقى حتفِي ….
قبل اسبوعين تقريبا صحيت من أحلى نومة وكانت الساعة 4 ونص مساءاً
وإذا بالشاب الوسيم (اخوي) يقآبلني في الصآلة وبرومانسية غير معتاده يقول لي: صباح الخير يآأحلى أخت
وأرمقة بنص عين قلت لايكون ماصحيت واللي أسمعه حلم ,وأفرك أذني وبكل بروود أقوله : إيييييش؟
خيّو:أقول جايب لك هديّة مين قدكْ
,هنا بغيت أتغطى وشكيت إنه اخوي 
,لولآ إني لمحته متأبطاً الشوزن تبعه
و قلت يمكن إهتدى مع قرب رمضآن..
(الشوزن لغير الناطقين بالعربية= نوع من أنواع الأسلحة
يصيدون بها الغزلآن والحبآرى وأحيانا الطيور المهاجرة)
ما أنكر إني فرحت وأنبسطت وشوي وأطير >>من زمان ماجاها هدايا 
أكيد تحمستوا للهدية مثَّلِ ماتحمست لها
رحت أغسل وجِهي بسرعة على غير العاده وأوقف قدآمِه بكل براءة >>ماصًدقت خبر بس بشوف تاليها
أنتظر الهديَة وشعوري مايوصَف>>لوووول
طبعاً قبل اسبوعين من الحادِث أعلاه كان ببالي مشروع زراعة ورد في مكان مآ في بيتنا الجميل
وكعاده الإخوان نلت من الشمآتَه مانلت , وأشيل الفكرة من رأسي خصوصاً وعلى قولة اخوي:
إننا في موسم -طبَّاخ التمر- كيف بيعيش الورد؟؟! وهاااات ياتريييييقه
طبعاً خيّو الله يحفظه حنون ومايحب يضآآيق أحد قلت أكييييد جايب لي الورد >>هـــش
بس للأسف جآنِي خاضور(نوع من انواع الطيور)
رغم إني توني صاحية ومالي نفس شئ وريحَة الرييش تعَم الأرجاء وأبو الشباب مستانس..!
بس عشان خاطِر أخوي وفرحته قبلت الهدية بروح رياضيه
وقمت أمدَح فيه وأرفع معنوياته وتقديراً للشقا
ماقلت لكم ان رحلة الصيد صبآآحية في الغالب..
يعني تعَّب وصكته الشمس لمَّا قال آميييين أحسن محد قاله >>نذله
وأركض للمطبخ وأصّور الهديّة منها أعرفكم على الطيور
ومنها أسألكم سؤال
وش المتعَة في أن الكائنات الحيَّة تموت؟؟؟!
في البدآيه شوفوا أدوات الجريمة بالترتيب من اليمين…..
*الشوزن>>أقوى شئ
*الثمآنين
الجًريمة أو مثل مايقول حًيّو ~ الهديَّة~
ومن زآويَه أقرَب…
نجِي للأخطر من هذا وهو طير { الصفآرِي} بكسر اليآء>>لايكثر
بالله مو حرآآم كل هالزين يمووت تهي تهي ؟!؟!؟!؟
الي خلآنِي أكتب لكم عن هوس أخوي بالطيور
هو أنه لآزال يمآرس هوايته حتى في رمضآن ويصحى الصبح ومايتأخر >>الله يقرف العدو
صحيت اليوم وإذا بي أتفاجأ بـ 11 نفر من الصفآري بحاجة للتنتيف
بس الماما الله يجزاها بالجنة قامت بالواجِب>>تعرفني مافيه امل
وقبل ما أنتهِي بوريكم شئ كآد أن يقضِي على حياتِي ثأنِي أيام شهر رمضآن….
دخل علي أخوي وعلى باله بيخوفنِي بجملته الشهيره؛ إستسلللللللللللللمِ
لقد نِلت منك يا سِلفر نياهاها >>مجنون فلم جزيرة الكنز
ماعطيته أي إهتمام لأني تعودت على الموقف,
شوي والرجآل يضحك ويقول الحمدلله الحمدلله وبفرَحة كبيره , ت
رآقص عرق الفضول فيني
وسألته : ليش تضحَك,
قآل :إحمدي ربك كتب لك حيآآه جديدة اليوم
أنا ومدري شالسالفة : طآرت بوهتِي وأغرورقت عيناي وسكت >>بلا نصب
قال : كنت بخوفك بصوت الشوزن بس قلت أشيَّك عليها بالأول وشوفِي وش لقيت
شوفوا أنتم …؟!!؟
فششششششششششقه لااااااااااااااااا>>>>ياعمري يا أنا بغيت اموت
طبعا حطيتها جنب الكوب عشآن تعرفون الحجَّم
مافِي أحلى من ان الوآحد يموت وهو صآيم بس الحًمدلله يارب
على الحيآة الجديده
خًالص ودّي لعنونكم الحًلوة
The Lullaby قال,
04/09/2008 في 10:46 صباحاً
..
هههههه
أما أنت و أخوك تحففففة :$
اتصالي مازبط كويس اللحين و الصور ماطلعت برقع بس تطلع
خودي بالك من ضناياك :
The Lullaby قال,
04/09/2008 في 10:53 صباحاً
..
طلعت الصور :$
مو احنا اللحين بالمزرعة . وعمي وصديقه جايين يصيدون ولما كنت أصلح السفرة شفت البنادق .
ماتوقعت الرصاصة هالكبر
بس أشوا ماجابوا معهم صيد .
* يقول عمي إن أحسن صيد بيكون بآخر أيام رمضان
تخيلي بيقوم الصبح عشان يصيد ياعمي عشر أواخر
يحفظلك أخوك , ويحفظك .
Yasser قال,
05/09/2008 في 2:58 م
الحمدلله كتبت لك حياة جديدة , ولأخوك أيضاً , ولنا كذلك ..
سؤالك أرقني , مالمتعة في أن الكائنات الحية تموت؟؟
أحياناً أقنع نفسي بأنها دورة طبيعية للحياة , ولكن
أحياناً أكون أكثر رأفة , وأقول ماذا لو هاجم حيواناً مفترس شخصا
مسالماً أليست كذلك دورة طبيعية للحياة !
لا أدري في الحقيقة ما الجواب , أخشى أن أجيب الآن
وأعود غداً من مكانٍ ما , متأبطاً حيواناً أزهقت روحه ..
دومي مبتسمة
chrysalis20 قال,
06/09/2008 في 2:47 صباحاً
لولو….
>>> تكرهها
وأنا اقول ليييه خف عن أول
يمكن ناوي
على آخر رمضآن مثل عمّك…!
الله يعيييينك على ريحة الريش والقرف
والرصاصة الكبيرة اللي تشوفينها هذي تبع “الشوزن”
وعلى فكرة المفروض يصيدون بها طيور حجمها أكبر
بس الطمع ذابحهم
نوآآره نورتي يالغلآ
الله يحفظك
جوريّة
chrysalis20 قال,
06/09/2008 في 2:51 صباحاً
متأبطاً حيواناً أزهقت روحه ..
يآسر حتى أنت طلعت مجرم >>تكبر الموضوع
يقول اخوي : قدر …وربي كاتب انها تجي للسعودية وتموت على يدي
يشرفني تواصلك
الله يحفظك
Yasser قال,
06/09/2008 في 4:04 صباحاً
ع البركة القالب الجديد
أذكر مره أن عصفورا إصطدم بزجاج سيارتي
قد لا تصدقي أني أكثر من يوم ألوم نفسي
وأتذكر الموقف ..
chrysalis20 قال,
06/09/2008 في 4:07 صباحاً
لا مآعًجبني بس كنت أجرّب…
عموما الله يبارك فيك
وذكرتني بالبابا صار له نفس الموقف قبل سنتين
وما أنسى كيف تضايق
يعطيك العافية على التوآصل
samijabr قال,
07/09/2008 في 9:39 صباحاً
السلام عليكم ورحمة الله
أولاً الحمدلله على سلامتك
ثانياً ولأجل أولاً .. المفروض نكون معزومين على غدا- عفواُ – سحور من الصيد
يا زينها
أما بالنسبة .. لتساؤلك .. فهذا شي ربي أحله .. لكن المشكله عندنا الصيد الجائر
طيب أنا بعد صارلي نفس موقف ياسر .. وبصراحه الحمامه هي اللي صدمت في الزجاج الأمامي .. حتى رخيت راسي من الفجعه
بس حزنت عليها لأنها ماتت ولا أحد استفاد منها ..
يلا يجي بس ( قطو ) ياكلها
وبالنسبه للرصاصه هذا رصاص رشّ أكثر شي ينفع لصيد القطا والحجل والطيور المتجمعه
بالعافيه يا chrysalis20
chrysalis20 قال,
08/09/2008 في 2:30 صباحاً
samijabr
الله يسلمك ,نورت المدونَة..
لآ انا موقصدِي موقفك إنت وياسر ,
لأن فيه بعض الأشياء تحصل خارج عن إرادة الشخص
بس مثل ماقلت الصيّد الجآئر…
يعنِي من وجهه نظرِي : صيدوا مافيها شئ
بس مو خمسين واربعين طير دفعة وحدة في اليوم..
وربي خطر على الحيآة الفطرية….
يعطيك العافية على مرورك الكريم
قارئ الأفكار قال,
08/09/2008 في 2:33 م
واووو الله يعينه من اهل الصيد شقى وتعب وخسائر
ياليت كل التعب على قميري
الصفار مسكين ضحية وزن للبنادق
بس كل شئ يهون ولا المزح بالبارووود
لان عواقبه وخيمه
بسم الله عليك .. قولي له لا يسويها مره ثانيه والله خطر .
موضوع رائع وصور ولا احلى
موج قال,
08/09/2008 في 3:33 م
ههههههههههههه ياحليله اخوك قسمن قسمات انه ذوووق
بس مالت على العدو المفروض حسب حسابي ههههههه
معليش تعيشين وتاكلين غيرها ووعد مني اول مااشوفك اجيب لك ورده<< استحت
ياحبيلك انتي ومغامرتك وه بسسس
chrysalis20 قال,
09/09/2008 في 4:30 صباحاً
قارئ الأفكار…
تصدق للحين يقول كيف أنا سويتها ويضحك
تسلم اخوي الروعة تشريفك لمدونتي,
ومرحبا مليوون نورت
يحفظك ربي
chrysalis20 قال,
09/09/2008 في 4:31 صباحاً
موج
ترا والله ما أنسى الورده وياويلك لو نسيتيها
أبيك تقدمينها لي مع أول يوم تفتح فيه ابواب الكلية
عشان تفتحين نفسي ع الشقآ الجاي…
نورتي يالغلا
majdah قال,
12/09/2008 في 2:56 م
كرستاله
عمراً جديداً..
لكِ..
وفوح من الروح يسكنكِ..
في الحقيقة لم تسنح لي الفرصه لأرى بندقية في الواقع..
اتوقع انني سأرتبكِ حينها
لا أطيق رؤية الحيوانات خصوصاً ” الميتة”
يصيبني بعض الحزن ” لا أدري أي سبب هو؟”
دامت حياتك بسعادة
كل الود
&؟؟؟& قال,
14/09/2008 في 8:09 صباحاً
بسم الله على عمررك حياتي…
والله القصه اكشششن ..
ويعطيك الف عافيه..
chrysalis20 قال,
14/09/2008 في 11:59 صباحاً
>>> آستحت
لآ لآ لآ مو مصدقة غلآآتِي هنا
نورتي المدونة يالغالية
والآكشن حضورك
أبي اشوف خشتك دوم هنا
لآخلآ ولاعدم ياقلبي
>> بوسة لـ لينآ >> وصليها