عذرآء في شرنَقـة..!

مساء الخير والبَال الطويل الهادِي الرايق..

يامساء الوردات الملونات والزعفران والقهوة الفرنسِاوي…

بعيداً عن المقدمات اللي ما أعرف لها واللي تقلب راسي ,ترا من يوم الأحد وأنا ودّي أنزل ذا البوست أحسّه يقرقع بقلبي خصوصاً أن حبايب قلبِي يمرون من هنا كثير بالإضافة لكم زوار مدونتّي وأصدقائِي المحترمين الله لا يحرمني منكم , بس صايرة أكره أي شئ أسمه كمبيوتر وين ما أروحْ أشوف كمبيوتر حتّى يوم فرحت ذاك اليوم أنّي حلمت صار حلمِي في معمل الحاسب تبع المدرسة اللي أتدرب فيها, الناس يحلمون أنهم يطيرون وإلا مسافرين لهاواي وإلا شايفين أحد يحبونه وأنا ياقلبي علّي إلا على طاري المدرسة يوم السبت اللي فات حرّمت أصير استاذة لو مهما كلفتنّي الظروف , رجعت للبيت وأقول للبابا ” ألحين لو ما توظفت وش موقفك؟؟”>> مرشحينها معيدة تخيلوا تخيلو أصير مُعيدة بجد ما أتحمّل الكرف.. , طبعا قبل ما أقول لكم وش قال لي أبوي بقولكم على إحساس غريب يصير للبنات اللي على وشك تخرجْ و مو بس أنا اللي حسيت بها الشعور, كثيير بنات قالوا لي إنهم بعد التخرج يحسّون بالضيااااعْ والوحدة وأنهم مثقلّين على أهلهم لييييييه ما أدرِي؟؟! , يمكن الشعور طبيعي لأنهم درسوا وتعبوا ويبون يكملون طموحاتهم ولا لقوا أبسط شئ ” وظيفة تناسب تخصصهم ” ولقوا أنفسهم أمام السرير والوسادة وكبروها , بس الغريب أني أحس بها الشعور وأنا باقي لي سنة عشان أحس فيه , المهم البابا الله يحفظه متعوّد على أسئلتِي اللي من هالنوع وأنا متعودة على إجاباته اللي يقصد ينرفزني بها :” إيـــه وش دعوًى يعنِي توّك تثقلين علينا-ويضحك- لبى ضحكته… أبد وأنا أبوك تخرجِي وأمر الله من سًعه
تشيلك عيونِي..” >> يلومونِي في سيد الرجال وه بس… صح أن سؤالي ماله هدف بس أحب أتدلع على أبوي و اشوف ردة فعله رجعت للبيت وأنتهى يوم السبت بالكسل والنووم والزهق ,فتحت عيونِي وإذ بصباح الأحد يُطِل من نافذتِي ورحت لـ” جامعتِي” مثل مايقولون المهم أمشِي بنصف عين وأنا بدخل للمبنى الرئيسي حسيت أنو فيه شئ كبيير قدّامي يعترض الطريق ويمكن أصقع فيه وأفتّح ثلاث أرباع عيونِي( خايفة يطير النوم وأنا بكمّل نومتِي في القاعة) وش تتوقعون هالشئ اللي قدّامِي…!؟؟؟؟؟ , تخيلوا مجسم حديد على أطرافه حوضين ورد طبيعي وفي الوسط زباله وأنتم بكرامة(أترك لكم حريّة التخيّل لأني ما فهمت ذاك الشئ لها الحين) طبعاً الزبالة كبيييرة لو طبيت فيها تكفيني وحاطين عليها ورقة مكتوب فيها ” حافظِي على نظافة جامعتك” طبعاً أنا ما صدّقت المشهد خصوصاً أن مكانه غلط غلط ألحين الرسول صلى الله عليه وسلم يقول:”إماطة الأذى عن الطريق صدقة” وكليتنا الغبية يحطوّن الأذى في الطريق وربّي حاااااااااله, كمّلت طريقي للقاعة وألقى البنات صاافين قدام المعمل ودعوة منى من قلب قلبها يتردد صداها في الممر ” ياااااااااااااااااااااااااااارب إجلال غاااااااااااايبة ياااااااااااااااااااارب يطفى الكهررررررررررب ” -إجلال استاذة الصيآنة والكهرب يطفى عشان محاضرات الشاشة- والبنات كلهم

” آميييييييييييييييييييييييييييييييييييييين” طبعاً أنا سلمت عليهم ورحت أتطمن على اللوك الله يستر لا أكون جاية بالجامة لكن صوت منّى وصلنّي ما ألومها حبيبتي طفشووونااااا قسم بالله , أذكر أن الناس يزهقوون يمرضون , يجي عيالهم حرارة وذا اللي عندنا عمرهم ما غابوا ماشاء الله ,لا والنصبَة الكُبرى أستاذة علم النفس التربوي حامل وهي علينا 3 ساعات متواصلة وتقول: لا والله ماتعبتش يابنات مبسوطة معاكو أي والله >> ماودّي يصير لها شئ والله بس ودّي تغيييب لو مرة وحدة, المهم ربّي كريم وأستجاب لدعوته منى وصارت استاذة ” إجلال ” غايييييييبة كلووووش من الفرحة صحصحت ونزلنا كوول ابو الشلة عشان نفطر وبعد الفطور رحنا نستكشف ذاك الشئ اللي مدري وش الهدف منه , ماتمنيت شئ يوم الأحد كثر ما تمنيت أني جايبة جوالي عشان أصور لكم ونتشارك الدهشة…طبعاً الترم هذا جدولنا مزحووم مزحووم بقووة وماصدقنا نتنفس شوي , غدّو يمين المجسّم وهيوونة يساره وكملّت توفِي في الوسط وهي لافة شوي ورافعة يديها تقل دعاية معجون اسنان >> عشان تظبط الصورة , المجسّم مضحِك ومكانه مش طبيعي والبنات لبى قلوبهم وأوضاع التصوير غييييير , وفي زحمة الموقف طلعت أبله ” لطيفة” من غرفة الإف بي آي ههههههههه بتقولون مين أبله لطيفة ” هذي الله يسلمكم تبع البوابه الإنسانة غريبة وماودّي أحكي فيها الله يسامحها ويصلحها ويكفينا شر لسانها , كان يوم حلو يمكن ما يفيدكم البوست بشئ بس حبيت أدونّه هنا للذكِرىْ وعشان خاطر الشلة …..!